ლიეტუვის პრეზიდენტმა გიტანას ნაუსედამ ფინეთსა და შვედეთს მოუწოდა, რაც შეიძლება სწრაფად შეიტანონ ნატო-ში წევრობაზე განაცხადი.
ნაუსედას განცხადებით, ამ ქვეყნების შეერთება ალიანსთან ბალტიის ტერიტორიაზე უსაფრთხოების გაძლიერებასა და მთლიანად ორგანიზაციის პოზიციების გაუმჯობესებას შეუწყობს ხელს. ამის შესახებ ინფორმაციას Financial Times ავრცელებს.
„შვედეთისა და ფინეთის ნატო-ში გაწევრიანება უსაფრთხოების მიმართულებით ვითარებას გააუმჯობესებს ბალტიის რეგიონში. ჩვენ შევძლებთ ბალტიის რეგიონის უკეთ გაკონტროლებას სამხედრო თვალსაზრისით. ეს ასევე გააძლიერებს ნატო-ს როგორც ორგანიზაციას“,- განაცხადა ნაუსედამ.
