იტალიის პრემიერი - პუტინთან საუბარი დროის ფუჭად კარგვაა

ვლადიმერ პუტინს ომის გაგრძელება სურს და არ უნდა ვოლოდიმირ ზელენსკისთან შეხვედრა. რუსეთის პრეზიდენტთან საუბარი კი დროის ფუჭად კარგვაა. ამის შესახებ იტალიის პრემიერ - მინისტრმა მარიო დრაგიმ პორტალ Corriere Della Sera-სთან ინტერვიუში განაცხადა.

ჟურნალისტები პრემიერისგან დაინტერესდნენ, პუტინთან მისი სატელეფონო საუბრის დროს, იყო თუ არა შესაძლებელი დიპლომატიური გზით შეეჩერებინათ პუტინი, პრემიერ - მინისტრმა განაცხადა:

„სატელეფონო საუბრისას ვუთხარი, რომ მშვიდობაზე საუბრისთვის ვურეკავდი. ვკითხე: „როდის ხვდებით ზელენსკის? მხოლოდ თქვენ ორს შეგიძლიათ გადაწყვეტილების პოვნა“. მან მიპასუხა: „დრო ჯერ კიდევ არ დამდგარა“. მე დაჟინებით ვთხოვდი: „მიიღეთ გადაწყვეტილება ცეცხლის შეწყვეტის შესახებ“ და კვლავ მიპასუხა: „დრო ჯერ კიდევ არ დამდგარა“, - განაცხადა დრაგიმ.

მისი თქმით, ამის შემდეგ, პუტინი ელაპარაკა რუსულ გაზზე რუსული რუბლით გადახდის შესახებ, რომელზეც გადაწყვეტილება იმ დროისთვის ჯერ არ იყო მიღებული.

„ვფიქრობ, რომ მართლები არიან ისინი, ვინც ამბობს, რომ მასთან უსარგებლოა ლაპარაკი. ეს უბრალოდ დროის ფუჭი კარგვაა. ყოველთვის ვიცავდი მაკრონს და განვაგრძობ იმის მტკიცებას, როგორც ევროკავშირის ქვეყნის პრეზიდენტი, ის მართალია, როდესაც ცდილობს გამოიყენოს ყველა შესაძლებლობა დიალოგისთვის. თუმცა, მე შემექმნა შთაბეჭდილება, რომ ომის საშინელება, რაც გაუკეთეს ბავშვებსა და ქალებს, აბსოლუტურად არ არის დამოკიდებული სიტყვებზე და განხორციელებულ სატელეფონო ზარებზე“ , - განაცხადა იტალიის პრემიერ - მინისტრმა.

ლევან ალაფიშვილი - თუ სასამართლომ მმართველი გუნდის სასარგებლო გადაწყვეტილება მიიღო, ევროპული სტრუქტურებისთვის ეს იქნება იმის ლუსტრაცია რომ ჩვენ არც საკონსტიტუციო სასამართლო გვაქვს დამოუკიდებელი პოლიტიკური გავლენებისგან
ქართული პრესის მიმოხილვა 02.10.2023
მისაბმელი ტრაილერების მწარმოებელი გერმანული კომპანია „შმიტც კარგობული“ (Schmitz Cargobull) საქართველოს ბაზარზე შემოვიდა
კახა ოქრიაშვილი - ასეთი სუს-ის იმედზეა ბიძინა ივანიშვილი და ჩვენი საწყალი ქვეყანა?
დრესაპ ჯგუფი აჭარის რეგიონში 14 ახალ მაღაზიას ხსნის
თინეთი DeGameFi-ს ოფიციალური პარტნიორია
Petra Sea Resort-სა და Valor Hospitality Partners-ს შორის თანამშრომლობა Future Hospitality Summit-ზე დაანონსდა