გაერო - უკრაინა 4.9 მილიონამდე მოქალაქემ დატოვა

გაეროს ლტოლვილთა სააგენტოს ინფორმაციით, რუსეთის შეჭრის შემდეგ უკრაინა 4 869 019 უკრაინელმა დატოვა, - ინფორმაციას სააგენტო „ფრანს-პრესი“ გაეროს ლტოლვილთა უმაღლეს კომისარზე, ფილიპო გრანდზე დაყრდნობით ავრცელებს.

„4.9 მილიონი უკრაინელის გარდა, ომის დაწყების შემდეგ უკრაინა 215 000-მა სტუდენტმა და მიგრანტმა მუშაკმაც (რომლებიც სხვა ქვეყნების მოქალაქეები არიან) დატოვა,“- განაცხადა ფილიპო გრანდმა.

ამასთან, გაეროს მონაცემებით, ყოველი 10 უკრაინელიდან

თითქმის 6, ანუ 2,76 მილიონი, პოლონეთში გადავიდა, 738 862 - რუმინეთში, 484 725 - რუსეთში, 458 654 - უნგრეთში.