ლუგანსკის სამხარეო სამხედრო ადმინისტრაციის ხელმძღვანელმა სერგი გაიდაიმ მოსახლეობას ევაკუაციისკენ კიდევ ერთხელ მოუწოდა.

"მომავალი კვირა შეიძლება რთული იყოს. ეს შეიძლება იყოს ბოლო, როცა ჯერ კიდევ გვაქვს თქვენი გადარჩენის შანსი. იერიში. როგორ მოხდება ეს? ალბათ, ფაშისტური გზით, ტრადიციულად, დილით, როცა თვალებს გაახელთ თავშესაფარში საშინელი ხმაურისგან, ”- განაცხადა გაიდაიმ.

მისი თქმით, უკრაინის შეიარაღებული ძალები მზად არიან რუსებთან შესახვედრად. ამასთან, გაიდაიმ განმარტა რომ ის, თუ რამდენად სწრაფად გაუმკლავდებიან უკრაინის შეიარაღებული ძალები რუსეთის შეჭრას, ასევე დამოკიდებულია ლუგანსკის ოლქის მცხოვრებლებზე.

გუბერნატორმა ოლქის მოსახლეობას მოუწოდა, მიიღონ ევაკუაციის გადაწყვეტილება.