დნეპრის პროზექტურებში 1500-ზე მეტი რუსი ჯარისკაცის გვამია, - ამის შესახებ ქალაქ დნეპრის მერის მოადგილემ, მიხაილ ლისენკომ განაცხადა. აღნიშნულ ინფორმაციას „უკრაინსკაია პრავდა“ ავრცელებს.

მან ასევე მოუწოდა რუს დედებს, რომ „დაღუპული რუსი ჯარისკაცების გვამები უკრაინიდან წაიღონ“.

„ახლა დნეპრის პროზექტურებში 1500-ზე მეტი რუსი ჯარისკაცის გვამია, რომელთა წაღებაც არავის სურს. ვიმედოვნებთ, რომ რუსი დედებიდან ვინმე შეძლებს მოსვლას და მათი შვილების წაყვანას, რომელთაც ისინი მთელი ცხოვრება ზრდიდნენ.

ჩვენ რუსი ჯარისკაცების გვამებით სავსე ოთხი დიდი მაცივარი გვაქვს - რაც არ უნდა იყოს, ისინი ვიღაცის შვილები არიან. მათ დედები ზრდიდნენ, ისინი მათ უყვარდათ და პირველ სექტემბერს მათთან ერთად სკოლაში მიდიოდნენ. ამ ყველაფერს ორგანიზებას გავუწევთ, ოღონდ შვილების გვამები წაიღონ“, - განაცხადა ლისენკომ.