სამუშაო შეხვედრაზე თბილისის მუნიციპალიტეტის გენდერული თანასწორობის 2022-2025 წლების სამოქმედო გეგმა განიხილეს

თბილისის საკრებულოს თავმჯდომარის მოადგილემ და გენდერული თანასწორობის საბჭოს ხელმძღვანელმა თინათინ ნიბლოშვილმა, დედაქალაქის მერის მრჩეველთან, ნინო ბურძენიძესთან ერთად, სამუშაო შეხვედრა გამართა, სადაც თბილისის მუნიციპალიტეტის გენდერული თანასწორობის 2022-2025 წლების სამოქმედო გეგმა განიხილეს. ინფორმაციას თბილისის საკრებულოს პრესსამსახური ავრცელებს.

მათი ცნობით, შეხვედრაში თბილისის მუნიციპალიტეტის გენდერული თანასწორობის საბჭოსა და თბილისის მერიის გენდერულ საკითხებზე მომუშავე საკოორდინაციო ჯგუფის წევრები მონაწილეობდნენ.

როგორც საკრებულოში აღნიშნავენ, სამუშაო შეხვედრაზე თბილისის მუნიციპალიტეტის გენდერული თანასწორობის ახალი, სამოქმედო გეგმა განიხილეს და ამასთანავე, მუნიციპალურ სერვისებში თანაბარი შესაძლებლობების პრაქტიკის ხელშეწყობის მიზნით, გარკვეული შესწორებები შეიტანეს.

თინათინ ნიბლოშვილის თქმით, გენდერული თანასწორობის საბჭოს 2022-2025 წლების სამოქმედო გეგმა არაერთ აქტივობას მოიცავს, სადაც მუნიციპალიტეტების წარმომადგენელთა ჩართულობა ძალიან მნიშვნელოვანია.

„ზუსტი და კონკრეტული სტრატეგია მნიშვნელოვანია, რათა გენდერული თანასწორობისა და ქალთა გაძლიერების მიზნების მიღწევა უფრო სისტემურად და საერთაშორისო სტანდარტების მიხედვით მოხდეს. მუშაობის გაძლიერებას ვგეგმავთ როგორც ქალთა ეკონომიკური და სოციალური საკითხების მიმართულებით, ასევე გენდერული ნიშნით დისკრიმინაციის წინააღმდეგ, კერძოდ კი, ოჯახში ძალადობასა და მისგან თავის დაცვის მექანიზმებზე. ასევე, გავაძლიერებთ თანამამშრომლობას კერძო სექტორის წარმომადგენლებთან, მათ შორის, არასამთავრობო ორგანიზაციებთან, რომელთა ჩართულობა გენდერული თანასწორობის ხელშეწყობისთვის უმნიშვნელოვანესია“, -განაცხადა თინათინ ნიბლოშვილმა.

საკრებულოს ცნობით, ორდღიან სამუშაო შეხვედრა "ქორთიარდ მარიოტი თბილისში" გაეროს განვითარების პროგრამის (UNDP ) ტექნიკური მხარდაჭერით ჩატარდა.

ალექსეი გარანი - კიევსა და მოსკოვს შორის მინსკი 2-ის მსგავსი არანაირი შეთანხმება არ გაფორმდება, რადგან, რაც რუსეთმა  უკრაინაში 24 თებერვლის შემდეგ ჩაიდინა, ეს წარმოუდგენელია
ზაზა ფირალიშვილი - ენტონი ბლინკენის წერილი საქართველოს საგარეო საქმეთა მინისტრისადმი აშკარა ნიშანია იმისა, რომ ჩვენი ხელისუფლების ქცევა ევროატლანტიკურ სივრცეში სერიოზულ ეჭვებს იწვევს
ქართული პრესის მიმოხილვა 23.05.2022
ჰუბერტ ქნირში - გზა ევროკავშირში გაწევრიანებისკენ ჯერ კიდევ გრძელია - ის, რაც რამდენიმე კვირაში ევროპის საბჭომ შეიძლება გადაწყვიტოს, არის გზის დასაწყისი, არის გადაწყვეტილება, რომ ჩვენ ერთად გვინდა ამ გზის გავლა
„ლისი ინტელიგენციის“ განვითარებისთვის დახარჯული ჯამური ინვესტიცია 1 500 000 ლარს უტოლდება
Fitch Ratings-მა ბაზისბანკს საკრედიტო რეიტინგი „B+“ დაუდასტურა
4-5 ივნისს თბილისის საკონცერტო დარბაზში „ერისიონი“ ახალი პროგრამით წარდგება
IF Design-ის 2022 წლის ღონისძიებაზე ჰიუნდაიმ 9 ჯილდო მოიპოვა
რომელ Galaxy A სმარტფონს ირჩევ შენ?
ვებსტერის უნივერსიტეტსა და თიბისის შორის მემორანდუმი გაფორმდა
ლიბერთი ბანკი - დიდი პასუხისმგებლობა და პატივია უნიკალური ინფრასტრუქტურით მოვემსახუროთ სოციალური გასაცემლების მიმღებ პირებს