„საქართველოს მედიატორთა ასოციაციის" ორგანიზებით და გაეროს ქალთა ორგანიზაციის UN WOMEN-ის მხარდაჭერით, „მედიატორთა ასოციაციის“ მედიატორებისთვის "გენდერი და გენდერულ უფლებებთან" დაკავშირებით ტრენინგი ჩატარდა.
სსიპ "საქართველოს მედიატორთა ასოციაციის" ინფორმაციით, 2021 წელს ასოციაციის აღმასრულებელი საბჭოს მიერ „სექსუალური შევიწროების პრევენციის და რეგულირების მექანიზმის დებულება" დამტკიცდა , რომელშიც საჩივრის წარდგენის, განხილვის პროცედურები და შიდა მექანიზმები გაიწერა.
როგორც ასოციაციაში განმარტავენ, სწორედ, ამ დებულებიდან გამომდინარე „საქართველოს მედიატორთა ასოციაციის" ორგანიზებით და გაეროს ქალთა ორგანიზაციის UN WOMEN-ის მხარდაჭერით, მედიატორთა ასოციაციის მედიატორებისათვის "გენდერი და გენდერულ უფლებებთან" დაკავშირებული ტრენინგი უკვე მეორედ ჩატარდა.
„15-16 აპრილს, განხორციელებულ ღონისძიებაზე განხილულ იქნა სექსუალური შევიწროების პრობლემასთან დაკავშირებულ საკითხები, მის წინააღმდეგ ბრძოლისა და რეაგირების ქვეყანაში არსებული მექანიზმები, აგრეთვე მეტად აქტუალურ საკითხები, რომელიც ეხებოდა გენდერულ თანასწორობას, ადამიანის უფლებებს, გენდერულ პოლიტიკასა და მიდგომებს. „საქართველოს მედიატორთა ასოციაციისთვის" ძალზედ მნიშვნელოვანია გენდერულ საკითხებთან დაკავშირებით მსგავსი აქტივობის დაგეგმვა-განხორციელება, რომელიც კიდევ უფრო ხელს შეუწყობს მედიატორებში აღნიშნულ საკითხთან დაკავშირებით ცნობიერების ამაღლებას“, - ნათქვამია „საქართველოს მედიატორთა ასოციაციის" მიერ მოწოდებულ ინფორმაციაში.