პარლამენტის ბიუროს “თამბაქოს კონტროლის შესახებ“ კანონში ცვლილებების პროექტი წარედგინა

2022 წლის 1-ელ სექტემბრამდე დასაშვები იქნება, სიგარეტის შეფუთვაზე განთავსებული სამედიცინო გაფრთხილება კანონით გათვალისწინებულ მოთხოვნებს არ აკმაყოფილებდეს.

ამასთან დაკავშირებით “თამბაქოს კონტროლის შესახებ“ კანონში ცვლილებების პროექტი პარლამენტის ბიუროს უკვე წარედგინა.

გამონაკლისის დაშვებას მთავრობა ითხოვს, რომელიც მიზეზად უკრაინაში მიმდინარე საომარ მოქმედებებს ასახელებს.

კერძოდ, როგორც მთავრობა განმარტავს, საომარი მოქმედებების გამო, უკრაინის ტერიტორიაზე განთავსებულ ქარხნებში პროდუქციის წარმოება და მასზე სამედიცინო გაფრთხილებების განთავსება/დაბეჭდვა შეუძლებელია.

მთავრობის ინფორმაციით, სტატისტიკური მონაცემების მიხედვით, 2021 წელს საქართველოში უკრაინიდან იმპორტირებული სიგარეტი, ჯამში, საქართველოში იმპორტირებული სიგარეტის დაახლოებით 80%-ს შეადგენს.

იმისთვის, რომ გადასახადის გადამხდელებს საქმიანობისთვის ხელსაყრელი გარემო შეექმნათ და პროცესებმა იმპორტის გადასახდელებზე გავლენა არ იქონიოს, საჭიროა გამონაკლისის დაშვება.

ცვლილებების პროექტის მიხედვით, გადასახადის გადამხდელებს შესაძლებლობა ექნებათ, შეზღუდული დროით საქართველოს საბაჟო საწყობის ტერიტორიაზე განახორციელონ თამბაქოს ნაწარმზე სამედიცინო გაფრთხილებების გარე გამჭვირვალე შეფუთვაზე სტიკერის სახით დაკვრა. გარდა ამისა, თამბაქოს ნაწარმის მწარმოებელსა და იმპორტიორს შესაძლებლობა ექნება, ჯანდაცვის სამინისტროს ფილტრიანი და უფილტრო სიგარეტებისგან გამოფრქვეული ნივთიერებების (ნიკოტინი, კუპრი, მხუთავი გაზი), თამბაქოს ნაწარმის ინგრედიენტების სამედიცინო გაფრთხილების სახისა და ნიმუშის როტაციის შესახებ, ასევე, გასახურებელი თამბაქოს ან თამბაქოს ახალი ნაწარმის შემთხვევაში ყოველი ახალი პროდუქციის განთავსებაზე ინფორმაცია განსხვავებული წესითა და პირობებით წარუდგინოს.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს