უკრაინის შეიარაღებული ძალების საჰაერო თავდაცვის ძალებმა, ოდესის რეგიონში რუსული ძალების "დრონი" ჩამოაგდეს. ამის შესახებ ინფორმაციას უკრაინული მედია, უკრაინის საჰაერო თავდაცვის ძალების განცხადებაზე დაყრდნობით ავრცელებს.

"18 აპრილს, ოდესის რეგიონში უკრაინის შეიარაღებული ძალების საზენიტო-სარაკეტო ქვედანაყოფის სამხედრო მოსამსახურეებმა, ოპერატიულ-ტაქტიკური დონის რუსული უპილოტო საფრენი აპარატი ჩამოაგდეს, რომელიც საჰაერო დაზვერვას ახორციელებდა", - ნათქვამია უკრაინის საჰაერო თავდაცვის ძალების მიერ, სოციალურ ქსელში გავრცელებულ განცხადებაში.

როგორც Ukrinform-ი იუწყება, 18 აპრილის ღამეს ოდესაში, მტრის თავდასხმები არ მომხდარა, თუმცა რუსი დამპყრობლები საჰაერო დაზვერვის ჩატარებას ცდილობდნენ. მათი ინფორმაციით, უკრაინულმა ძალებმა რუსული მხარის მცდელობა მოიგერიეს.