ალყაში მოქცეული უკრაინის ქალაქ მარიუპოლის მერის, ვადიმ ბოიჩენკოს განცხადებით, დაახლოებით 40 000 მშვიდობიანი მოქალაქე იძულებით რუსეთში ან უკრაინაში რუსეთის მიერ კონტროლირებად ტერიტორიებზე გადაიყვანეს, - ამის შესახებ ინფორმაციას გამოცემა The Guardian-ი ავრცელებს.

,,სამწუხაროდ უნდა განვაცხადო, რომ ისინი მოსახლეობას იძულებით ასახლებენ. მუნიციპალური რეესტრის მეშვეობით გადავამოწმეთ, რომ უკვე 40 000-ზე მეტი ადამიანია იძულებით გადაადგილებული", - განაცხადა ბოიჩენკომ.