რუსეთის არმიას გაუჭირდება რაკეტების, ვერტმფრენების და სხვა სამხედრო აღჭურვილობის არსენალის შევსება საერთაშორისო სანქციების ფონზე, - ამის შესახებ უკრაინის პრეზიდენტმა ვოლოდიმირ ზელენსკიმ ვიდეომიმართვისას განაცხადა.

„რუსეთის არმია არ ანელებს უკრაინის წინააღმდეგ რაკეტების გამოყენებას, თუმცა უნდა აცნობიერებდეს, რომ არსებული სანქციების პირობებშიც კი უკიდურესად რთული იქნება მისი სარაკეტო მარაგის აღდგენა“, - აღნიშნა ზელენკსიმ.

ზელენსკის თქმით, როდესაც უფრო მკაცრი სანცქციები დაწესდება, რუსეთს სარაკეტო შესაძლებლობების აღდგენა არარეალური იქნება.

"იმპორტის გარეშე ამასაც ვერ გააკეთებენ. როდესაც სანქციების გვერდის ავლით ყველა ხარვეზი დაიხურება და კიდევ უფრო მკაცრი სანქციები დაწესდება, რუსეთის სარაკეტო შესაძლებლობების აღდგენა არარეალური იქნება“, - დასძინა მან.

ზელენსკი ამბობს, რომ სანქციების ქვეშ ახალი არტილერიის წარმოება რუსეთისთვის რთული იქნება.

„მსგავსი პროცესი სხვა რუსულ იარაღთან დაკავშირებითაც მიმდინარეობს. სანქციების ქვეშ ახალი არტილერიის, თვითმფრინავების, ახალი ვერტმფრენების და კრეისერების წარმოება რუსეთისთვის რთული ამოცანა იქნება“, - დასძინა მან.