უკრაინის პრეზიდენტის ოფისის ხელმძღვანელის, ალექსეი არესტოვიჩის განცხადებით, რუს ოკუპანტებს, რომლებმაც დონბასში ახალი შეტევა დაიწყეს, ოთხი მიზანი აქვთ.
მისი თქმით, პირველი არის ლუგანსკის ოლქში რუბიჟნე-პოპასნაია-სევეროდონეცკის მონაკვეთზე ტერიტორიის დაკავება, მეორე მიმართულება არის შეტევა იზიუმიდან (ხარკოვის ოლქი) სლავიანსკისა და კრამატორსკისკენ. მესამე და მეოთხე მიმართულებად კი არესტოვიჩმა გულიაიპოლის (ზაპოროჟიეს რაიონი) და მარიუპოლის რაიონები დაასახელა.
პრეზიდენტის ოფისის ხელმძღვანელმა ასევე განმარტა, რომ რუსეთს უკრაინის ომში წარმატების მიღწევა აღდგომამდე და მაისის დღესასწაულებამდე სურს.
"მათ ორი თარიღი აქვთ. პირველი არის აღდგომა, რომელიც აღინიშნება მიმდინარე კვირას, 24 აპრილს და მეორე არის მაისის დღესასწაულები", - აღნიშნა არესტოვიჩმა.
მისი თქმით, რუსეთს ესაჭიროება „რაიმე სახის პირველადი შედეგი მაინც“, თუმცა ისინი წარმატებას ვერ მიაღწევენ.
"ისინი წარმატებას ვერ მიაღწევენ. შემიძლია ახლავე გითხრათ. ამიტომ, სანერვიულო არაფერია. თუმცა ისინი ცდილობენ. ამ ომის ბოლო დიდი შეტევაა. გარდა ამისა, არ არსებობს ოპერატიული რეზერვები", - აღნიშნა არესტოვიჩმა.