BBC - აშშ-ის ფინანსთა მინისტრი მოსკოვზე მეტ ფინანსურ ზეწოლას გეგმავს
შეერთებული შტატების ფინანსთა მინისტრი ჯანეტ იელენი სავარაუდოდ, ლობირებას გაუწევს საერთაშორისო სავალუტო ფონდისა და მსოფლიო ბანკის წევრებს, რათა ფინანსური ზეწოლა გააძლიერონ მოსკოვზე, - ამის შესახებ BBC-ი იუწყება.
გავრცელებული ინფორმაციით, აშშ-ს ფინანსთა მინისტრი რუსეთის მიერ უკრაინაში შეჭრის პროტესტის ნიშნად, ამ კვირაში დაგეგმილ „დიდი ოცეულის“ ფინანსური შეხვედრის სესიებს გამოტოვებს.
გარდა ამისა, აშშ-ის ფინანსთა დეპარტამენტის ცნობით, იელენი დღეს სასურსათო უსაფრთხოების კრიზისზე, რომელიც რუსეთის უკრაინაში შეჭრით გამწვავდა, საერთაშორისო რეაგირების განსახილველად პანელს მოიწვევს.
