თბილისის საკრებულო უკრაინელი ხალხის დასახმარებლად მედიკამენტებს გააგზავნის

თბილისის საკრებულოსა და საქართველოს წითელი ჯვრის საზოგადოებას შორის უკრაინელი ხალხის დასახმარებლად, ურთიერთთანამშრომლობის მემორანდუმი გაფორმდა. ამის შესახებ ინფორმაციას თბილისის საკრებულო ავრცელებს.

მათივე ცნობით, დედაქალაქის წარმომადგენლობით ორგანოში გამართული ღონისძიება უკრაინელი ხალხის მედიკამენტებით დახმარების აქციის ფარგლებში მოეწყო. მემორანდუმს ხელი თბილისის საკრებულოს თავმჯდომარემ გიორგი ტყემალაძემ და საქართველოს წითელი ჯვრის საზოგადოების გენერალურმა მდივანმა ნინო ოსეფაშვილმა მოაწერეს.

“წითელ ჯვართან გაფორმებული მემორანდუმით თბილისის მუნიციპალიტეტის საკრებულო, კერძო სექტორთან ერთად, მნიშვნელოვან წვლილს შეიტანს ამ მეტად საჭირო და აუცილებელ საქმეში და ჰუმანიტარულ ტვირთს მედიკამენტების სახით გავაგზავნით. მინდა მადლობა გადავუხადო ყველა იმ ადამიანს რომელიც ამ პროცესში ჩართული იყო, საკრებულოს წევრებს, საკრებულოს აპარატის თანამშრომლებს და კომპანიებს, რომლებმაც ამ აქციაში ჩართვის სურვილი გამოთქვეს“, - განაცხადა გიორგი ტყემალაძემ.

მემორანდუმის თანახმად, საქართველოს წითელი ჯვრის საზოგადოება და თბილისის საკრებულო თანხმდებიან, ერთობლივი საქმიანობის წარმატებით განსახორციელებლად ითანამშრომლონ. კერძოდ, უკრაინაში კრიზისულ სიტუაციაში მოწყვლადი მოსახლეობის მხარდასაჭერად და მედიკამენტებით უზრუნველსაყოფად, წითელი ჯვრის საზოგადოება იღებს ვალდებულებას, დონორის მიერ ჩარიცხული თანხით მედიკამენტები შეიძინოს და უკრაინის წითელ ჯვარს გაუგზავნოს.

„დღეს უკრაინაში უმძიმესი მდგომარეობაა. საკრებულოს წევრები და თანამშრომლები ჩართული ვართ ყველა საჭირო ჰუმანიტარულ ღონისძიებაში. ამჯერად, ყველაზე მოწყვლადი მოსახლეობის დასახმარებლად შევიძინეთ მედიკამენტები. გავაფორმეთ მემორანდუმი საქართველოს წითელი ჯვრის საზოგადოებასთან, რომელიც მედიკამენტების უკრაინაში წითელი ჯვრისთვის მიწოდებას უზრუნველყოფს “, - განაცხადა ზურაბ ჩიკვილაძემ.

ალექსეი გარანი - კიევსა და მოსკოვს შორის მინსკი 2-ის მსგავსი არანაირი შეთანხმება არ გაფორმდება, რადგან, რაც რუსეთმა  უკრაინაში 24 თებერვლის შემდეგ ჩაიდინა, ეს წარმოუდგენელია
ზაზა ფირალიშვილი - ენტონი ბლინკენის წერილი საქართველოს საგარეო საქმეთა მინისტრისადმი აშკარა ნიშანია იმისა, რომ ჩვენი ხელისუფლების ქცევა ევროატლანტიკურ სივრცეში სერიოზულ ეჭვებს იწვევს
ქართული პრესის მიმოხილვა 23.05.2022
ჰუბერტ ქნირში - გზა ევროკავშირში გაწევრიანებისკენ ჯერ კიდევ გრძელია - ის, რაც რამდენიმე კვირაში ევროპის საბჭომ შეიძლება გადაწყვიტოს, არის გზის დასაწყისი, არის გადაწყვეტილება, რომ ჩვენ ერთად გვინდა ამ გზის გავლა
4-5 ივნისს თბილისის საკონცერტო დარბაზში „ერისიონი“ ახალი პროგრამით წარდგება
IF Design-ის 2022 წლის ღონისძიებაზე ჰიუნდაიმ 9 ჯილდო მოიპოვა
რომელ Galaxy A სმარტფონს ირჩევ შენ?
ვებსტერის უნივერსიტეტსა და თიბისის შორის მემორანდუმი გაფორმდა
ლიბერთი ბანკი - დიდი პასუხისმგებლობა და პატივია უნიკალური ინფრასტრუქტურით მოვემსახუროთ სოციალური გასაცემლების მიმღებ პირებს