„ქართული ოცნების“ ხელისუფლება მიზანმიმართულად და გეგმაზომიერად ანადგურებს მიხეილ სააკაშვილის ჯანმრთელობას, ამის გამოძახილია, რომ უკვე მეოთხე თვეა მასთან არ დაუშვიათ პირადი ექიმი და ასევე არ უშვებენ კონსილიუმის წევრებს, - ამის შესახებ მიხეილ სააკაშვილის ადვოკატმა დიმიტრი საძაგლიშვილმა რუსთავის მე-12 პენიტენციური დაწესებულების დატოვების შემდეგ განაცხადა.

როგორც მან ჟურნალისტებთან საუბრისას აღნიშნა, მიხეილ სააკაშვილი ხვალინდელ სასამართლო პროცესს დაესწრება, მაგრამ თუ რა პოლიტიკურ განცხადებას გააკეთებს, ამას ხვალინდელ პროცესზე გავიგებთ.

„ეს მიუთითებს ხელისუფლების ნებაზე, რომ სააკაშვილმა ვერ მიიღოს ადეკვატური მკურნალობა, რაც ნიშნავს მისი ფუნდამენტური უფლებების ხელყოფას. ძალიან მნიშვნელოვანია, რომ ამაზე მხოლოდ ადვოკატები აღარ ვსაუბრობთ და აშშ-ს სახელმწიფო დეპარტამენტის ანგარიშშიც საუბარია სააკაშვილის მიმართ განხორციელებულ არაადამიანურ მოპყრობაზე.

მიხეილ სააკაშვილი ხვალინდელ პროცესს დაესწრება, რაც შეეხება იმას თუ რას იტყვის, ამას ხვალინდელ სასამართლო პროცესზე გავიგებთ’, - აღნიშნა დიმიტრი საძაგლიშვილმა.