მიხაილო პოდოლიაკი - რუს ოკუპანტებს სურთ დაუმტკიცონ მსოფლიოს, რომ ისინი არიან ბარბაროსული ცივილიზაცია, რომელიც უნდა იყოს იზოლირებული

უკრაინის პრეზიდენტის აპარატის უფროსის მრჩევლის მიხაილო პოდოლიაკის განცხადებით, რუს ოკუპანტებს სურთ დაუმტკიცონ მსოფლიოს, რომ ისინი არიან ბარბაროსული ცივილიზაცია, რომელიც უნდა იყოს იზოლირებული. ამის შესახებ მან Twitter-ზე გამოქვეყნებულ ვიდეომიმართვაში განაცხადა.

„დღეს რუსულმა მხარემ გამოაცხადა „სპეციალური ოპერაციის“ მეორე ეტაპის დაწყება. მათ მოსწონთ რაღაც სიმბოლოების მოფიქრება, რომ ნაცისტებს დაემსგავსონ. ეს არის ნაცისტური იმპერიის სიმბოლიკა. ჩვენთვის არ აქვს მნიშვნელობა, რომელ ფაზაში და რამდენი რუსული არმიის წარმომადგენელი განადგურდება, რომლებმაც არ იციან ბრძოლა, არამედ იციან მხოლოდ ადამიანების მოკვლა და ინფრასტრუქტურის განადგურება“, - განაცხადა პოდოლიაკმა.

პრეზიდენტის აპარატის უფროსის მრჩეველმა დასძინა, რომ ჯერ კიდევ არ ესმის, რისი დამტკიცება სურს რუსეთის ფედერაციას მსოფლიოსთვის.

„ალბათ, მათ უნდათ დაამტკიცონ, რომ ეს არის რაღაც ბარბაროსული ცივილიზაცია, რომელიც უნდა იყოს იზოლირებული სამყაროსგან“, - თქვა მან.

პოდოლიაკის თქმით, რუსები აღნიშნულს წარმატებით ახორციელებენ და ამაში უკრაინელებიც დაეხმარებიან.

მრჩეველმა ხაზგასმით აღნიშნა, რომ უკრაინისთვის მთავარია შეინარჩუნოს საკუთარი ხალხის სიცოცხლე, ამასთან ინფრასტრუქტურა.

„ამიტომ მშვიდად გავუძლოთ თავდასხმას, დავუბრუნოთ მათ ვალი, რომელიც უნდა გადაიხადონ ჩვენი გარდაცვლილი ხალხისთვის და ამის შემდეგ ჩვენ დავიწყებთ დიდი და ძლიერი უკრაინის მშენებლობას“, - დასძინა მან.

ეკატერინე ციმაკურიძე - როცა ტელევიზიის ხელმძღვანელს ასამართლებენ სრულიად არადამაჯერებელი მართლმსაჯულებით, ეს ნამდვილად არაა დასავლური მისწრაფება, ხელისუფლება კი ამბობს, რომ აქვს ევროატლანტიკური კურსი, მაგრამ საქმით სხვა რამეს ამტკიცებს
ქართული პრესის მიმოხილვა 16.05.2022
მუსიკათერაპია, როგორც ბედნიერების ტრენინგი
„გალერეა დემასში“ პრემიუმ ხარისხის ევროპული სლებების ასორტიმენტი განახლდა
Urban Hotel-ი მარტის დასაწყისიდან უკრაინელ დევნილებს მასპინძლობს
სიმსუქნის ქირურგიული მკურნალობა - ბარიატრიული ოპერაციები ბოჭორიშვილის კლინიკაში
კომპანია „სმარტ ბუღალტერია“ - უნივერსალური და მაღალკვალიფიციური მომსახურება საბუღალტრო, ფინანსურ და საგადასახადო სფეროში
სამართლებრივი ინტერესების დაცვა ადგილობრივ და საერთაშორისო დონეზე
იშოპინგე „კარფურის“ აპლიკაციაში და მიიღე შანსი მოიგო უამრავი პრიზი
ექსკლუზიური ბრენდები და სასიამოვნო გარემო - ქავთარაძის „სითი მოლის“ პრემიუმ სივრცეში მაღაზია „სენსი“ გაიხსნა