თემთა პალატაში სიტყვით გამოსვლისას, დიდი ბრიტანეთის პრემიერ-მინისტრის, ბორის ჯონსონის თქმით, უკრაინელებმა კიევზე რუსეთის თავდასხმის მოგერიებით, „21-ე საუკუნის ყველაზე დიდ წარმატებას მიაღწიეს", - ამის შესახებ ინფორმაციას BBC-ი ავრცელებს.

„ჩვენი უკრაინელი მეგობრები თავიანთი ერის სიცოცხლისთვის იბრძვიან", - განაცხადა ჯონსონმა.

ჯონსონის თქმით, ბრიტანეთმა და მისმა მოკავშირეებმა გარკვეული იარაღი მიაწოდეს უკრაინას, მაგრამ ,,დედაქალაქი, უკრაინულმა მამაცობამ და თავგანწირვამ გადაარჩინა".