რუსეთის თავდაცვის სამინისტრომ, მარიუპოლის „აზოვსტალის" ფოლადის ქარხანაში განთავსებულ უკრაინელ ჯარისკაცებს იარაღის დაყრისკენ კიდევ ერთხელ მოუწოდა, - ამის შესახებ ინფორმაციას BBC-ი ავრცელებს.

გავრცელებული ინფორმაციით, რუსეთის თავდასხმების შედეგად, ალყაში მოქცეულ მარიუპოლის "აზოვსტალის" ფოლადის ქარხანას „აზოვის“ ლეგიონი და 36-ე საზღვაო ქვეითების ბრიგადა ამ დრომდე აკონტროლებს. როგორც BBC-ი იუწყება, რუსეთის არმია აცხადებს, რომ ის მთელ მარიუპოლს აკონტროლებს, მაგრამ უკრაინის ოფიციალური პირები ამტკიცებენ, რომ მათი დარჩენილი ჯარისკაცები ბოლომდე იბრძოლებენ.