პენტაგონის პრესსპიკერის, ჯონ კირბის ინფორმაციით, უკრაინამ სხვა ქვეყნებისგან დამატებითი საბრძოლო თვითმფრინავები, ასევე თვითმფრინავის ნაწილები, მიიღო, რაც მას საშუალებას მისცემს საჰაერო ძალები გააძლიეროს.

„მათ მიიღეს დამატებითი პლატფორმები და ნაწილები, რათა შეძლონ თვითმფრინავების ფლოტის გაზრდა,“- აღნიშნა ჯონ კირბიმ.

მან არ დააკონკრეტა, რამდენი თვითმფრინავი მიიღო უკრაინამ პარტნიორებისგან.

პენტაგონის განცხადებამდე ერთი კვირით ადრე ცნობილი გახდა, რომ აშშ-ის პრეზიდენტმა, ჯო ბაიდენმა უკრაინისთვის 800 მილიონი აშშ დოლარის ღირებულების იარაღის, საბრძოლო მასალისა და უსაფრთხოების დახმარების დამატებითი პაკეტი დაამტკიცა.