კანადის პრემიერ-მინისტრის, ჯასტინ ტრუდოს განცხადებით, უკრაინას უახლოეს მომავალში მძიმე არტილერიას გაუგზავნიან.
„კანადა უკრაინას მძიმე არტილერიას გაუგზავნის. ჩვენ თავიდანვე მჭიდრო კონტაქტში ვართ უკრაინის პრეზიდენტთან, ვოლოდიმირ ზელენსკისთან და ძალიან სწრაფად ვრეაგირებთ იმაზე, რაც მათ ყველაზე მეტად სჭირდებათ. უკრაინელები იბრძვიან იმ ფასეულობებისთვის, რომელსაც ეყრდნობა ბევრი დემოკრატიული საზოგადოება. სწორედ ამიტომ კანადა უკრაინის მხარეს დგას,“ - განაცხადა კანადის პრემიერმა.
შეგახსენებთ, გუშინ ცნობილი გახდა, რომ კანადამ პუტინის ორ ქალიშვილს სანქციები დაუწესა.