ხულოში, ხევში გადავარდნის შედეგად დაშავებული 3 წლის ბავშვის მდგომარეობა კრიტიკულად მძიმეა

ხულოს მუნიციპალიტეტის სოფელ ბეღლეთში მინი ტრაქტორის ხევში გადავარდნის შედეგად დაშავებული სამი წლის ბავშვის მდგომარეობა კრიტიკულად მძიმეა.

როგორც ბათუმის დედათა და ბავშვთა სამედიცინო ცენტრში “ინტერპრესნიუსს” განუცხადეს, სამი წლის ბავშვს თავის არეში მძიმე დაზიანება აქვს მიღებული და იგი თბილისში, იაშვილის სახელობის კლინიკაში წუხელ გადმოიყვანეს.

რაც შეეხება ბაბუას, რომელიც გუშინ 3 წლის შვილიშვილთან ერთად ხევში გადავარდა, მისი ჯანმრთელობის მდგომარეობა სტაბილურია.

შეგახსენებთ, რომ გუშინ ხულოს მუნიციპალიტეტის სოფელ ბეღლეთში ბაბუა და შვილიშვილი ხევში გადავარდნენ, რის შედეგადაც სამი წლის ბავშვი მძიმედ დაშავდა.

მომხდარ ფაქტზე საქართველოს შინაგან საქმეთა სამინისტრომ გამოძიება “სისხლის სამართლის კოდექსის” 281-ე მუხლით დაიწყო, რაც სატრანსპორტო საშუალებით მოძრაობისას წესების დარღვევას გულისხმობს.

გიორგი ბილანიშვილი - სამწუხაროდ, ხელისუფლებას, რომელსაც განსაკუთრებული პასუხისმგებლობა ეკისრება ქვეყნის უსაფრთხოებაზე და მომავალზე, არ გააჩნია ფართო ხედვა და ვერ ახერხებს საერთაშორისო მოვლენების განვითარების სწორად აღქმასა და გააზრებას
ქართული პრესის მიმოხილვა 16.05.2022
ლევან ცუცქირიძე - საქართველოში აუცილებელია პოლარიზაციის დასრულება, რომლის მნიშვნელოვანი ნაწილია მიხეილ სააკაშვილთან დაკავშირებულ რთულ საკითხზე შეთანხმება
კავკასიაში პირველი ციფრული ლოგისტიკის მენეჯმენტის ერთობლივი სამაგისტრო პროგრამა - კავკასიის უნივერსიტეტისა და TH Wildau-ის პარტნიორობის პერსპექტივები
"ლიბერთიმ" -,,გაზარდე შენი ბიზნესი“ კამპანიის ფარგლებში აგრო და ბიზნესის წარმომადგენლებთან შეხვედრები დაიწყო