კობა გვენეტაძე საერთაშორისო სავალუტო ფონდისა და მსოფლიო ბანკის საგაზაფხულო შეხვედრებში მიიღებს მონაწილეობას

19-24 აპრილს, საქართველოს ეროვნული ბანკის პრეზიდენტი, კობა გვენეტაძე ვაშინგტონში საერთაშორისო სავალუტო ფონდისა და მსოფლიო ბანკის ყოველწლიურ საგაზაფხულო მაღალი რანგის შეხვედრებში მიიღებს მონაწილეობას. ამის შესახებ ინფორმაციას ეროვნული ბანკი ავრცელებს.

მათივე ცნობით, სამუშაო ვიზიტის ფარგლებში კობა გვენეტაძე შეხვდება საერთაშორისო სავალუტო ფონდის დირექტორის მოადგილეს, ბო ლის, სსფ-ის ახლო აღმოსავლეთისა და შუა აზიის დირექტორს, ჯიჰად აზურს, სსფ-ის მისიის ხელმძღვანელს, ჯეიმს ჯონს, სსფ-ის ჰოლანდიის ჯგუფის აღმასრულებელ დირექტორს პოლ ჰილბერს და ფედერალური სარეზერვო ბანკის და ამერიკის შეერთებული შტატების ხაზინის წარმომადგენლებს.

ასევე, დაგეგმილია საქართველოს დელეგაციის შეხვედრა ევროპის რეკონსტრუქციისა და განვითარების ბანკის პრეზიდენტთან, ოდილ რენე-ბასოსთან.

„ყოველწლიური მაღალი რანგის შეხვედრები პანდემიის დაწყებიდან ორი წლის თავზე წელს ჰიბრიდულად გაიმართება.

საქართველოს ეროვნული ბანკის პრეზიდენტი მონაწილეობას მიიღებს Bank of America-ს მიერ ორგანიზებულ ინვესტორთა კონფერენციაში. მოგვიანებით კი, კობა გვენეტაძე სსფ-ის ფულად-საკრედიტო და კაპიტალის ბაზრების დეპარტამენტების ხელმძღვანელებთან სამუშაო შეხვედრებს გამართავს.

საგაზაფხულო შეხვედრებში მონაწილეობენ საერთაშორისო სავალუტო ფონდისა და მსოფლიო ბანკის მმართველები და ალტერნატიული მმართველები, ასევე მსოფლიოს თითქმის ყველა ქვეყნის საფინანსო სექტორის წარმომადგენელი. მონაწილეები განიხილავენ გლობალური მნიშვნელობის საკითხებს, მათ შორის მსოფლიო ეკონომიკის პერსპექტივებს, სიღარიბის დაძლევის, ეკონომიკის განვითარებისა და დახმარების ეფექტურობის, ასევე, კიბერუსაფრთხოებისა და ფინანსური ტექნოლოგიების თემებს“,- ნათქვამია ინფორმაციაში.

გიორგი ბილანიშვილი - სამწუხაროდ, ხელისუფლებას, რომელსაც განსაკუთრებული პასუხისმგებლობა ეკისრება ქვეყნის უსაფრთხოებაზე და მომავალზე, არ გააჩნია ფართო ხედვა და ვერ ახერხებს საერთაშორისო მოვლენების განვითარების სწორად აღქმასა და გააზრებას
ქართული პრესის მიმოხილვა 16.05.2022
ლევან ცუცქირიძე - საქართველოში აუცილებელია პოლარიზაციის დასრულება, რომლის მნიშვნელოვანი ნაწილია მიხეილ სააკაშვილთან დაკავშირებულ რთულ საკითხზე შეთანხმება
კავკასიაში პირველი ციფრული ლოგისტიკის მენეჯმენტის ერთობლივი სამაგისტრო პროგრამა - კავკასიის უნივერსიტეტისა და TH Wildau-ის პარტნიორობის პერსპექტივები
"ლიბერთიმ" -,,გაზარდე შენი ბიზნესი“ კამპანიის ფარგლებში აგრო და ბიზნესის წარმომადგენლებთან შეხვედრები დაიწყო