ბელგიის პრემიერ-მინისტრი - რუსეთის აგრესია უკრაინაში ჩვენი ევროპული ისტორიის ყველაზე ბნელი ფურცლების შესადარია

რუსეთის აგრესია უკრაინაში ჩვენი ევროპული ისტორიის ყველაზე ბნელი ფურცლების შესადარია, - ამის შესახებ ბელგიის პრემიერ-მინისტრმა, ალექსანდერ დე კრომ ქალაქ გენტში ნიდერლანდებისა და ბელგიის მინისტრთა კაბინეტების ერთობლივი შეხვედრის შემდეგ განაცხადა.

„გული მწყდება როცა ვხედავ, რომ მსგავსი რამ ჯერ კიდევ შეიძლება მოხდეს ევროპაში. ომის დანაშაულები არ შეიძლება იყოს დაუსჯელი“,- აღნიშნა დე კრომ.

მისივე თქმით, ბელგია და ნიდერლანდები ძალისხმევას არ დაიშურებენ, რათა უზრუნველყონ, რომ ყველაფერი დოკუმენტირებული იყოს იმ იმედით, რომ „სამართლებრივი დევნა განხორციელდება იმ საშინელი ისტორიებისთვის, რომლებიც ჩვენ გვესმის ქალებისა და გოგონების გაუპატიურების შესახებ“.

ბელგიის პრემიერ-მინისტრის განცხადებით, მისი მთავრობა მხარს უჭერდა საერთაშორისო სისხლის სამართლის სასამართლოს და გაეროს ადამიანის უფლებათა საბჭოს მიერ შექმნილ საგამოძიებო კომისიას და განიხილავს სასამართლო ექსპერტების უკრაინაში გაგზავნას.

„ეს არის პირველი ნაბიჯი იმის უზრუნველსაყოფად, რომ ბარბაროსები, რომლებმაც ეს ჩაიდინეს, დაისჯებიან”, - დასძინა დე კრომ.

ცნობისთვის, რუსეთი უარყოფს ბრალდებებს ომის დანაშაულებთან დაკავშირებით და აღნიშნავს, რომ მისი ძალების სამიზნე მშვიდობიანი მოსახლეობა არ არის.

თენგიზ ცერცვაძე - როცა გადადგომაზე განცხადება დავწერე, არ მჯეროდა, მეგონა სიზმარში ვიყავი, რომ მილიარდის გაფლანგვას და ადამიანების ჩახოცვას გვაბრალებდნენ
ქართული პრესის მიმოხილვა 12.05.2022
ლევან ცუცქირიძე - საქართველოში აუცილებელია პოლარიზაციის დასრულება, რომლის მნიშვნელოვანი ნაწილია მიხეილ სააკაშვილთან დაკავშირებულ რთულ საკითხზე შეთანხმება
ლიზინგი, როგორც ფინანსური ბაზრის შემადგენელი ნაწილი და მისი განვითარების პერსპექტივები საქართველოში
კავკასიაში პირველი ციფრული ლოგისტიკის მენეჯმენტის ერთობლივი სამაგისტრო პროგრამა - კავკასიის უნივერსიტეტისა და TH Wildau-ის პარტნიორობის პერსპექტივები
"ლიბერთიმ" -,,გაზარდე შენი ბიზნესი“ კამპანიის ფარგლებში აგრო და ბიზნესის წარმომადგენლებთან შეხვედრები დაიწყო