რუსეთის უკრაინაში შეჭრის დროიდან ქვეყანა 5 010 971-მა ადამიანმა დატოვა, - შესაბამის მონაცემებს გაეროს ლტოლვილთა სააგენტო ავრცელებს.

ორგანიზაციის ინფორმაციით, უკრაინიდან წასული მოქალაქეების 90%-ს ქალები და ბავშვები შეადგენს.

ამასთან, ომის გამო საკუთარი საცხოვრებელი კიდევ 7-მა მილიონმა ადამიანმა დატოვა, რაც იმას ნიშნავს, რომ ქვეყანაში, რომლის მოსახლეობაც დაახლოებით 44 მილიონს შეადგენს, თითქმის მეოთხედს ქვეყნის დატოვება, ან უკრაინის საზღვრების ფარგლებში იძულებით გადაადგილება მოუწია.