უკრაინის 36-ე საზღვაო ბრიგადის მეთაური - საერთაშორისო მხარდაჭერა გვჭირდება - მარიუპოლის გადარჩენა ჯერ კიდევ შესაძლებელია

რუსეთის შეიარაღებული ძალები მარიუპოლის მუდმივ დაბომბვას მას შემდეგ აგრძელებს, რაც გაჩნდა ინიციატივა მესამე ქვეყნის შესახებ, რომლის დახმარებითაც მარიუპოლში მყოფი უკრაინელი სამხედროებისა და ალყაში მოქცეული მშვიდობიანი მოსახლეობის ევაკუაცია უნდა მოხდეს, - ამის შესახებ CNN-თან ინტერვიუში უკრაინის 36-ე ცალკეული საზღვაო ბრიგადის მეთაურმა, მაიორმა სერგეი ვოლინამ განაცხადა.

მისივე თქმით, რუსული ავიაციისა და მძიმე არტილერიის დარტყმები დღეს გაგრძელდა და ამის შედეგად, უკრაინული ჯარები სერიოზულ დანაკარგებს განიცდიან.

„ჯარისკაცებისა და მოქალაქეების აქედან გაყვანის პროცედურას ვითხოვთ. ჩვენ საერთაშორისო მხარდაჭერა გვჭირდება. აქ ჯერ კიდევ ასობით მშვიდობიანი მოქალაქეა. არ ვენდობით რუსებს, გარანტიისთვის ჩვენ სხვა ქვეყნები გვჭირდება. მარიუპოლის გადარჩენა ჯერ კიდევ შესაძლებელია“, - განაცხადა ვოლინამ.

მან ასევე მოითხოვა, რომ მესამე ქვეყანამ უკრაინული ჯარისა და მშვიდობიანი მოსახლეობის ევაკუაცია მძიმე დაბომბვის ქვეშ მყოფი „აზოვსტალის“ ფოლადის ქარხნიდან უზრუნველყოს.

ალექსანდრე თვალჭრელიძე - ფრიდმანის წინააღმდეგ სანქციების დაწესებამ იდეალური შესაძლებლობა შექმნა კომპანიის გაკოტრების და იქ სახელმწიფო მმართველის იმპერატიული დანიშვნისთვის, ამას კი „ბორჯომის“ ნაციონალიზაცია უნდა მოჰყვეს
ქართული პრესის მიმოხილვა 20.05.2022
იუველ ნოა ჰარარი - ყველაფერი სასწორზე დაიდო, რადგან პუტინმა დაანგრია უდიდესი ტაბუ, გლობალური წესრიგი - მას რომ შედეგისთვის მიეღწია, ეს მთელ მსოფლიოში გამოიწვევდა დესტაბილიზაციას
თამარ ალადაშვილი - გარემოსდაცვითი ინფორმაციისა და განათლების ცენტრს ახალი ფუნქციები ემატება, რაც კიდევ უფრო მეტად შეუწყობს ხელს საზოგადოების გარემოსდაცვით საკითხებში ჩართულობას
„მაკდონალდს საქართველო“ Mc Happy Day-ის საქველმოქმედო კამპანიას იწყებს