რუსეთის პრეზიდენტი ვლადიმერ პუტინი ამტკიცებს, რომ აღმოსავლეთ უკრაინის დონბასის რეგიონში, რუსეთი თავის სამხედრო მიზნებს მიაღწევს, რაც, მისი თქმით, ადამიანებს ნორმალური ცხოვრების გაგრძელების საშუალებას მისცემს, - ამის შესახებ ინფორმაციას BBC-ი ავრცელებს.
კრემლში გამართულ შეხვედრაზე გამოსვლისას, პუტინმა განაცხადა, რომ მოსკოვი იძულებული გახდა, უკრაინაში დონბასში მომხდარი ,,ტრაგედიის" გამო, ,,სამხედრო ოპერაცია" დაეწყო.
,,მე თავიდანვე ვთქვი - ამ ოპერაციის მიზანია, დონბასში მცხოვრები ჩვენი ხალხის დახმარება", - განაცხადა პუტინმა.
გოგონას მისამართით, რომელიც შეხვედრას რუსეთის მიერ 2014 წელს ანექსირებული სევასტოპოლიდან შეუერთდა, პუტინმა განაცხადა:
,,ჩვენ ვიმოქმედებთ თანმიმდევრულად და დავრწმუნდებით რომ იქ ცხოვრება თანდათან ნორმალური გახდება, უკეთესობისკენ შეიცვლება, ისევე როგორც ეს თქვენს შემთხვევაში, სევასტოპოლში მოხდა", - განაცხადა პუტინმა.
