გიორგი ქუფარაშვილი მარიუპოლზე - ბავშვები, ქალები, ასაკოვანი ხალხი ცოცხლად დაიმარხნენ

ბავშვები, ქალები, ასაკოვანი ხალხი ცოცხლად დაიმარხნენ , - ამის შესახებ ბატალიონ „აზოვის“ ერთ-ერთმა დამფუძნებელმა, გიორგი ქუფარაშვილმა „პალიტრანიუსის“ გადაცემა „360 გრადუსში“ უკრაინიდან ჩართვისას განაცხადა, როდესაც მარიუპოლში არსებულ ვითარებაზე ისაუბრა.

მან გაიხსენა შემთხვევები, როდესაც რუსები შენობებს ესროდნენ, რომლებსაც მშვიდობიანი მოქალაქეები აფარებდნენ თავს, ჩამონგრეული კორპუსის ნანგრევებიდან ადამიანების ხმები ისმოდა, თუმცა ხალხის ამოყვანა ვერ ხერხდებოდა.

ქუფარაშვილის თქმით, ადამიანები „ცოცხლად დაიმარხნენ“.

„აბსოლუტურად ყველა შენობაში ყველა კორპუსში მცხოვრებლები სარდაფებში იყვნენ. მოსახლეობის გამოყვანა იქიდან შეუძლებელი იყო. ბევრჯერ გვინახავს, როცა ესვრიან შენობებს და ჩემს თვალწინ, ათამდე კორპუსი მაქვს ნანახი, რომ ჩამოშლილა, სადაც მანამდე, 100-მდე ადამიანი ყოფილა. ბრძოლები გაგრძელებულა, აგვიღია ეს ტერიტორია, ხანდახან ყოფილა შემთხვევა, როდესაც ხმები ისმის, მაგრამ მათი იქიდან ამოყვანა შეუძლებელია. ის ხალხი არის ცოცხლად ჩამარხული როგორც ბავშვები, ისევე ქალები, მამაკაცები, ასაკში მყოფი ხალხი, ისინი ცოცხლად დაიმარხნენ.

ყოველდღიურ საკვებზე ისინი გამოდიოდნენ და რაღაცნაირად გროვდებოდა ან წყალს აგროვებდნენ როგორღაც, ან სამხედროებისგან იღებდნენ საკვებს, ეს იყო ერთი დღის მარაგი. იქ გათბობა არ არის, განათება არ არის, წყალი არ არის, სამედიცინო დახმარება არ არის - ისინი არიან ცოცხლად დამარხულები“, - განაცხადა ქუფარაშვილმა.

ეკატერინე ციმაკურიძე - როცა ტელევიზიის ხელმძღვანელს ასამართლებენ სრულიად არადამაჯერებელი მართლმსაჯულებით, ეს ნამდვილად არაა დასავლური მისწრაფება, ხელისუფლება კი ამბობს, რომ აქვს ევროატლანტიკური კურსი, მაგრამ საქმით სხვა რამეს ამტკიცებს
ქართული პრესის მიმოხილვა 16.05.2022
მუსიკათერაპია, როგორც ბედნიერების ტრენინგი
კომპანია „სმარტ ბუღალტერია“ - უნივერსალური და მაღალკვალიფიციური მომსახურება საბუღალტრო, ფინანსურ და საგადასახადო სფეროში
სამართლებრივი ინტერესების დაცვა ადგილობრივ და საერთაშორისო დონეზე
იშოპინგე „კარფურის“ აპლიკაციაში და მიიღე შანსი მოიგო უამრავი პრიზი
ექსკლუზიური ბრენდები და სასიამოვნო გარემო - ქავთარაძის „სითი მოლის“ პრემიუმ სივრცეში მაღაზია „სენსი“ გაიხსნა
კავკასიაში პირველი ციფრული ლოგისტიკის მენეჯმენტის ერთობლივი სამაგისტრო პროგრამა - კავკასიის უნივერსიტეტისა და TH Wildau-ის პარტნიორობის პერსპექტივები
"ლიბერთიმ" -,,გაზარდე შენი ბიზნესი“ კამპანიის ფარგლებში აგრო და ბიზნესის წარმომადგენლებთან შეხვედრები დაიწყო