ზელენოდოლსკის თემის ხელმძღვანელის, დმიტრო ნევესელის ინფორმაციით, რუსეთის ჯარებმა დნეპროპეტროვსკის ოლქის ქალაქი ზელენოდოლსკი დაბომბეს, რამაც კომუნალური სისტემების დაზიანება გამოიწვია. ამის შესახებ ინფორმაციას უკრაინული მედია ავრცელებს.
,,დაბომბვის შედეგად დაზიანებულია კომუნალური სისტემები. ელექტროენერგია და წყალმომარაგება შეწყდა. სარემონტო სამუშაოები დილიდან დაიწყება", - წერს ნევესელი.
როგორც უკრაინული მედია იუწყება, თემის ხელმძღვანელის თქმით, მსხვერპლი არ არის. ნევესელიმ ადგილობრივ მოსახლეობას სიმშვიდის შენარჩუნებისკენ და საჰაერო თავდასხმის გამაფრთხილებელი განგაშის დროს, თავშესაფრების გამოყენებისკენ მოუწოდა.