აშშ-ის თავდაცვის კვლევითი ცენტრის, „ომის კვლევის ინსტიტუტის“ განცხადებით, რუსეთი მარიუპოლზე საჰაერო და სახმელეთო შეტევას განაგრძობს, რითაც, გასული დღის განმავლობაში, მცირე უპირატესობის მოპოვება შეძლო.
ცენტრის სადაზვერვო მონაცემებით, რუსულმა ძალებმა ნაწილობრივ დაიკავეს აღმოსავლეთ უკრაინის ორი ქალაქი: რუბეჟნოე და პოპასნაია.
მათივე ცნობით, რუსულმა მხარემ ჯერჯერობით მნიშვნელოვან ტერიტორიულ გარღვევას ვერ მიაღწია, მაგრამ რუსული ჯარები აგრძელებენ შეტევას დასახლებულ ხარკოვისა და ხერსონის ოლქებში.