ოკუპირებული ახალგორის შესასვლელში არსებული ე.წ. გამშვები პუნქტი, რომელიც 2019 წლიდან ჩაკეტილი იყო, სააღდგომოდ გაიხსნა

ამ დროისთვის ოკუპირებული ახალგორის შესასვლელში არსებული ე. წ. გამშვები პუნქტი გახსნილია. არსებული ინფორმაციით, 25 აპრილის ჩათვლით ოკუპირებული დაბის მიმართულებით გადაადგილება შესაძლებელი იქნება იმ პირებისთვის, ვინც ფლობს ე.წ.პროპუსკს ან ოკუპირებული ცხინვალის რეგიონის ე.წ. პასპორტს. ამის შესახებ “ინტერპრესნიუსს” ახალგორის მუნიციპალიტეტის გამგებელმა ნუგზარ თინიკაშვილმა განუცხადა.

თინიკაშვილის ინფორმაციით, 2019 წლის 5 სექტემბრიდან დღემდე ოკუპირებული ახალგორის შესასვლელი ჩაკეტილი იყო.

“დღეიდან გაიხსნა ე.წ. გამშვები პუნქტი, რის საფუძველზეც, იმ პირებს, ვინც ფლობს დე ფაქტო რეჟიმის მიერ გაცემულ “პროპუსკებს~, ან ე.წ. პასპორტებს, 25 აპრილის ჩათვლით შესაძლებლობა მიეცემათ, რომ შევიდნენ საკუთარ სოფლებში, სახლებში აღდგომის დღესასწაულზე, გავიდნენ საფლავებზე და მოინახულონ იქ დარჩენილი ახლობლები. მოგეხსენებათ, 2019 წლის 5 სექტემბრის შემდეგ დე ფაქტო რეჟიმი საშუალებას არ აძლევდა ახალგორელებს, რომ დაბა დაეტოვებინათ და სხვადასხვა საჭიროებისთვის ცენტრალური ხელისუფლების მიერ კონტროლირებად ტერიტორიაზე გადმოსულიყვნენ, ან პირიქით, აქეთ დარჩენილები შესულიყვნენ საკუთარ სახლებში. ეს ჰუმანიტარული საკითხი საქართველოს ცენტრალური ხელისუფლების წარმომადგენლებმა არაერთხელ დააყენეს სხვადასხვა ფორმატის შეხვედრაზე და ოკუპირებული ცხინვალის დე ფაქტო მმართველმა მხოლოდ ახლა მიიღო გადაადგილებაზე დაწესებული შეზღუდვის დროებით მოხსნის გადაწყვეტილება”, - განაცხადა ნუგზარ თინიკაშვილმა.

შეგახსენებთ, რომ 2019 წლიდან დღემდე მხოლოდ მძიმე პაციენტების გადმოყვანა მოხდა რამდენჯერმე ოკუპირებული ახალგორიდან საქართველოს ცენტრალური ხელისუფლების მიერ კონტროლირებად ტერიტორიაზე.

ესტონეთის ელჩი - რუსეთს არ სჭირდება წინაპირობა რომ ვინმეს დაესხას თავს, ის გახდა უფრო არაპროგნოზირებადი ვიდრე ოდესმე
გაგიკ ავაკიანი - რუსეთი იმ მდგომარეობაში არაა, რომ სომხეთის საშინაო პოლიტიკაში მისი ჩარევები  წარმატებული იყოს და მას რამე გამოუვიდეს
ქართული პრესის მიმოხილვა 19.05.2022
ზვიად გუბელაძე - გაჟღერებული ბრალდებები, თითქოსდა ნიკა გვარამიას ტელევიზიის  ბალანსზე არსებული ავტომობილით სარგებლობის გამო მიესაჯა თავისუფლების აღკვეთა, არ შეესაბამება სიმართლეს და მიზნად ისახავს საზოგადოების შეცდომაში შეყვანას
ნიკოლოზ ვაშაკიძე - არსებული ხელისუფლება წამოადგენს მთავარ დაბრკოლებას ქვეყანა პოლიტიკურად განახლებული და მომზადებული შეხვდეს კარდინალურ ცვლილებებს რეგიონში და მსოფლიოში
ლიბერთი პროექტის „ახალგაზრდული მეწარმეობა სოფლის განვითარებისთვის“ სტრატეგიული პარტნიორი  გახდა
„გალერეა დემასში“ პრემიუმ ხარისხის ევროპული სლებების ასორტიმენტი განახლდა
Urban Hotel-ი მარტის დასაწყისიდან უკრაინელ დევნილებს მასპინძლობს
სიმსუქნის ქირურგიული მკურნალობა - ბარიატრიული ოპერაციები ბოჭორიშვილის კლინიკაში