რუსეთმა საპასუხო ნაბიჯად ლატვიის, ლიეტუვისა და ესტონეთის საკონსულოების დახურვის ბრძანება გასცა, - ამის შესახებ ინფორმაციას დასავლური მედია რუსეთის საგარეო საქმეთა სამინისტროზე დაყრდნობით ავრცელებს.

ქვეყნის საგარეო უწყების განაცხადებით, ის ხურავს ლატვიის და ესტონეთის საკონსულოებს სანკტ-პეტერბურგში და პსკოვში და ლიეტუვის საკონსულოს სანკტ-პეტერბურგში.

შეგახსენებთ, აპრილის დასაწყისში ლატვიამ და ესტონეთმა, უკრაინაში კრემლის შეჭრის გამო, რუსეთის ორი საკონსულოს დახურვის შესახებ ბრძანება გასცეს. ლიეტუვამ კი ქვეყნიდან რუსეთის ელჩი მას შემდეგ გააძევა, რაც ოფიციალურმა კიევმა რუსული ძალები ქალაქ ბუჩაში მშვიდობიანი მოსახლეობის მკვლელობაში დაადანაშაულა.