საქართველოს ფინანსთა მინისტრთან, ლაშა ხუციშვილთან შეხვედრას ევროპის რეკონსტრუქციისა და განვითარების ბანკის პრეზიდენტი ოდილ რენო-ბასო „ტვიტერზე“ ეხმაურება.

მისი განცხადებით, შეხვედრაზე, მხარეებმა ევრობანკიდან მისაღები დახმარების შესახებ ისაუბრეს.

„ვაშინგტონში, საერთაშორისო სავალუტო ფონდისა და მსოფლიო ბანკის საგაზაფხულო შეხვედრების ფარგლებში, ჩემი პირველი შეხვედრა საქართველოს ფინანსთა მინისტრთან შედგა. ბატონ ლაშა ხუციშვილთან ენერგოუსაფრთხოებასა და განახლებადი წყაროების განვითარებაზე, მცირე ბიზნესის ხელშეწყობისა და სახელმწიფო საწარმოების რეფორმირების მიმართულებით ევრობანკიდან მისაღები დახმარების შესახებ ვისაუბრეთ", - წერს EBRD-ის პრეზიდენტი ოდილ რენო-ბასო.