ჩვენ გვჯერა, რომ უკრაინა ევროკავშირში უფრო სწრაფ გაწევრიანებას იმსახურებს, - ამის შესახებ უკრაინის პრეზიდენტმა ვოლოდიმირ ზელენსკიმ ესპანეთისა და დანიის პრემიერ-მინისტრებთან შეხვედრის შემდეგ მედიასთან განაცხადა.

ზელენსკის თქმით, მას სურს უკრაინა ალიანსში იმ მეგობრებთან და პარტნიორებთან იყოს, რომლებიც ქვეყანას ეხმარებიან.

,,ჩვენ გვჯერა, რომ უკრაინა ევროკავშირში უფრო სწრაფ გაწევრიანებას იმსახურებს. ჩვენ, თქვენი მხარდაჭერის, თქვენი გუნდის, თქვენი ხალხისა და საზოგადოების მხარდაჭერის მიმართ იმედიანად ვართ. ჩვენ თავს თანასწორად ვთვლით. არა თქვენზე უკეთესად, მაგრამ აუცილებლად თანასწორად და ჩვენ ნამდვილად გვინდა ვიყოთ ალიანსში იმ პარტნიორებთან და მეგობრებთან ერთად, რომლებიც დღეს აქ არიან და გვეხმარებიან", - განაცხადა ზელენსკიმ.