უკრაინის ინფრასტრუქტურისთვის მიყენებულმა ფიზიკურმა ზარალმა 60 მილიარდ აშშ დოლარს მიაღწია და ომის გაგრძელებით კიდევ უფრო გაიზრდება, - ამის შესახებ მსოფლიო ბანკის პრეზიდენტმა, დევიდ მალპასმა განაცხადა.
”ომი ჯერ კიდევ გრძელდება, ამიტომ ეს ხარჯები იზრდება”, - აღნიშნა მალპასმა.
შეგახსენებთ, უკრაინის პრეზიდენტმა ვოლოდიმირ ზელენსკიმ გუშინ განაცხადა, რომ უკრაინას ომის შედეგად მიღებული ეკონომიკური ზარალის ასანაზღაურებლად, თვეში 7 მილიარდი დოლარის ოდენობის ფინანსური მხარდაჭერა სჭირდება. მისი თქმით, შემდგომში ,,ასობით მილიარდი დოლარი" იქნება საჭირო, რათა ქვეყანა ხელახლა აშენდეს.