უკრაინელი სამხედროები გაერთიანებულ სამეფოში წვრთნებს გადიან და სწავლობენ, როგორ გამოიყენონ ის ჯავშანტექნიკა, რომელსაც ბრიტანეთი უკრაინას აწვდის, - BBC-ის ინფორმაციით, ამის შესახებ გაერთიანებული სამეფოს პრემიერ-მინისტრმა ბორის ჯონსონმა განაცხადა.
„შემიძლია ვთქვა, რომ ჩვენ ამჟამად ვწვრთნით უკრაინელებს პოლონეთში საზენიტო თავდაცვის სისტემების გამოყენებაში და ასევე გაერთიანებულ სამეფოში, ჯავშანტექნიკის გამოყენებაში“, - განუცხადა ჯონსონმა ჟურნალისტებს.
BBC-ის ინფორმაციით, ჯონსონის პრესსპიკერმა დაადასტურა, რომ ამჟამად გაერთიანებულ სამეფოში რამდენიმე ათეული უკრაინელი ჯარისკაცი გადის წვრთნებს.