უკრაინელმა სამხედროებმა, ბოლო 24 საათის განმავლობაში, დონეცკისა და ლუგანსკის ოლქებში ოკუპანტების 10 შეტევა მოიგერიეს, - ინფორმაციას უკრაინის შეიარაღებული ძალების გენერალური შტაბი ავრცელებს.

მათივე ცნობით, აღნიშნულ პერიოდში განადგურდა რუსული ძალების 6 ტანკი, 8 ჯავშანტექნიკა, 15 მანქანა და ოთხი საარტილერიო სისტემა. გენშტაბში აცხადებენ, რომ რუსული ძალები მნიშვნელოვან დანაკარგებს განიცდიან.

“გასულ ღამეს რუსეთის 58 არმიის შემადგენლობაში შემავალი 136-ე მოტომსროლელმა ბრიგადის ტაქტიკურმა ქვედანაყოფმა კურახოვსკის მიმართულებით მოქმედების დროს დიდი მსხვერპლი განიცადა (250 ადამიანი) და ასევე განადგურდა მათი 10 ერთეულ სარაკეტო და საარტილერიო სისტემა,“-ნათქვამია გენშტაბის ინფორმაციაში.

მათივე ცნობით, 20 აპრილს ნოვოაიდარის საავადმყოფოში გადაიყვანეს 220 დაჭრილი რუსი სამხედრო და 50 დაღუპულის ცხედარი.