მარიუპოლში მყოფი ადამიანების სიცოცხლე ვლადიმერ პუტინის ხელშია, - ამის შესახებ მარიუპოლის მერმა, ვადიმ ბოიჩენკომ Reuters-თან ინტერვიუში განაცხადა.

მისი თქმით, რუსეთმა ძირი გამოუთხარა ევაკუაციის პროცესს, რომელიც მათ მარტის პირველ დღეებში დაიწყეს.

„მათ გვთხოვეს, მიგვეცა რუკა, საიდან დაიწყებოდა ევაკუაცია – ჩვენ მათ რუკა მივეცით. გვკითხეს, რამდენი ავტობუსი გვყავდა, ავტობუსების რაოდენობა ვუთხარით. ამის შემდეგ მათ გაანადგურეს და დაანგრიეს ყველა ის ადგილი და გაანადგურეს ჩვენი ავტობუსები,“ - აღნიშნა მერმა.

მისი თქმით, ქალაქში ჯერ კიდევ 100 000 ადამიანია ჩარჩენილი და „აზოვსტალის“ ფოლადის ქარხანაში მყოფი ჯარისკაცები დანებებას არ აპირებენ.

„მნიშვნელოვანია გვესმოდეს, რომ იმ ადამიანების სიცოცხლე, რომლებიც იქ იმყოფებიან, მხოლოდ ერთი ადამიანის - ვლადიმერ პუტინის ხელშია,“ - აღნიშნა ვადიმ ბოიჩენკომ.