უკრაინის უშიშროების საბჭოს მდივანი - ახლანდელი მდგომარეობით, უკრაინის ბირთვული სტატუსის აღდგენის საკითხი დღის წესრიგში არ დგას - ვნახოთ, ხვალ რა იქნება

ახლანდელი მდგომარეობით, უკრაინის ბირთვული სტატუსის აღდგენის საკითხი დღის წესრიგში არ დგას. ვნახოთ, ხვალ რა იქნება - შევხედოთ, როგორ განვითარდება მსოფლიო, - ამის შესახებ უკრაინის ეროვნული უშიშროებისა და თავდაცვის საბჭოს მდივანმა, ოლექსი დანილოვმა განაცხადა.

მანვე აღნიშნა, რომ უკრაინას არ გააჩნია ბირთვული იარაღი, რა დროსაც რუსეთი, რომელიც გაერო-ს უშიშროების საბჭოს წევრია, „უკრაინის მიმართ აგრესიის აქტს ახორციელებს“.

დანილოვის თქმით, უკრაინის ბირთვული სტატუსის აღდგენა „ძალიან რთულია და თანამედროვე პირობებში ამის განხორციელება თითქმის შეუძლებელია“.

„ჩვენ შეგვიძლია ეს განვიხილოთ და ამაზე ვიოცნებოთ, მაგრამ არსებობს ტექნიკური პროცესი და შემიძლია გითხრათ, რომ დღეს ეს შეუძლებელია. ვნახოთ, მომავალში რა იქნება - დავაკვირდებით, თუ როგორ ვითარდება სამყარო. შემიძლია ვთქვა, რომ ამ ომის შემდეგ სამყარო განსხვავებული იქნება და ის სხვაგვარად განვითარდება.

ახალი კავშირები და ახალი უსაფრთხოების სისტემა შეიქმნება. ჩვენთვის მნიშვნელოვანია, რომ უსაფრთხოების ამ ახალი სისტემის შექმნაში სრულფასოვანი მონაწილეობა მივიღოთ“, - აღნიშნა დანილოვმა.

გიორგი ბილანიშვილი - სამწუხაროდ, ხელისუფლებას, რომელსაც განსაკუთრებული პასუხისმგებლობა ეკისრება ქვეყნის უსაფრთხოებაზე და მომავალზე, არ გააჩნია ფართო ხედვა და ვერ ახერხებს საერთაშორისო მოვლენების განვითარების სწორად აღქმასა და გააზრებას
ქართული პრესის მიმოხილვა 16.05.2022
ლევან ცუცქირიძე - საქართველოში აუცილებელია პოლარიზაციის დასრულება, რომლის მნიშვნელოვანი ნაწილია მიხეილ სააკაშვილთან დაკავშირებულ რთულ საკითხზე შეთანხმება
კავკასიაში პირველი ციფრული ლოგისტიკის მენეჯმენტის ერთობლივი სამაგისტრო პროგრამა - კავკასიის უნივერსიტეტისა და TH Wildau-ის პარტნიორობის პერსპექტივები
"ლიბერთიმ" -,,გაზარდე შენი ბიზნესი“ კამპანიის ფარგლებში აგრო და ბიზნესის წარმომადგენლებთან შეხვედრები დაიწყო