რომის პაპმა ფრანცისკემ განაცხადა, რომ ივნისში, იერუსალიმში რუსეთის პატრიარქ კირილთან დაგეგმილი შეხვედრა ამ დროისთვის გაუქმებულია, - ამის შესახებ Ukrinform-ი Reuters-ზე დაყრდნობით იუწყება.
გამოცემა La Nacion-თან ინტერვიუში რომის პაპმა განაცხადა, რომ კირილთან შეხვედრის გეგმა ამ ეტაპზე „შეჩერებულია". ვატიკანის დიპლომატთა თქმით, შესაძლოა, ამ შეხვედრას „ამ მომენტში დიდი დაბნეულობა გამოეწვია“.
მედიასაშუალება იუწყება, რომ აღნიშნული შეხვედრის გაუქმებამდე ვატიკანი 12-13 ივნისს ლიბანში რომის პაპის დაგეგმილი ვიზიტის ერთი დღით გახანგრძლივებას განიხილავდა, რათა ფრანცისკე 14 ივნისს იერუსალიმში რუსეთის მართლმადიდებლური ეკლესიის პატრიარქს, კირილეს შეხვედროდა.
შეგახსენებთ, რუსეთის პატრიარქმა, კირილემ უკრაინაში რუსეთის შეჭრას მხარი დაუჭირა და რუსი სამხედროები ამ ომისთვის აკურთხა.
Ukrinform-ის ინფორმაციით, რუსეთის პატრიარქისა და რომის პაპის პირველი შეხვედრა 2016 წელს კუბაში გაიმართა.