ლუგანსკის რეგიონალური სამხედრო ადმინისტრაციის ხელმძღვანელის, სერგეი გაიდაის ინფორმაციით, დღეს, რუსმა ჯარისკაცებმა პოპასნაიაში საევაკუაციო ავტობუსს ცეცხლი გაუხსნეს. ამის შესახებ ინფორმაციას CNN-ი ავრცელებს.

,,ეს ევაკუაცია განსაკუთრებული და უკიდურესად საშიში იყო, 22 მგზავრი იმყოფებოდა. 25 წლის ბიჭი ზურგისა და ფეხის არეში დაშავდა, ასევე პარალიზებული მოხუცი ქალი“, - განაცხადა გაიდაიმ.

გაიდაიმ დასძინა, რომ თავშესაფრიდან ასევე გამოიყვანეს და გადაარჩინეს დედა, რომელსაც თან ბავშვი ჰყავდა.