ევროკავშირის მაღალჩინოსნის ინფორმაციით, მომდევნო რამდენიმე კვირა უკრაინის ომისთვის შესაძლოა გადამწყვეტი იყოს. ამის შესახებ დასავლური მედია ინფორმაციას Reuters-ზე დაყრდნობით ავრცელებს.
მათივე ინფორმაციით, ოფიციალურმა წარმომადგენელმა ჟურნალისტებს განუცხადა, რომ რუსეთი აღმოსავლეთ უკრაინასა და ქვეყნის სანაპირო ნაწილზე სამხედრო თავდასხმებს გაზრდის.
,,ეს არ არის ზღაპარი, გარდაუვალი ბედნიერი დასასრულით. ვფიქრობ, აღმოსავლეთში ჩვენ რუსეთის სამხედრო თავდასხმების ინტენსივობის ძალიან მნიშვნელოვან ზრდას დავინახავთ. ვფიქრობ, რომ ჩვენ რუსეთის სამხედრო თავდასხმების გაძლიერებას სანაპირო ნაწილზე ვიხილავთ. მე ვფიქრობ, მომდევნო ორი კვირა გადამწყვეტი იქნება", - განაცხადა ევროკავშირის ოფიციალურმა პირმა, რომლის ვინაობაც არ სახელდება.