რუსეთის ელჩი მოლდოვის საგარეო უწყებაში დაიბარეს

მოლდოვის საგარეო საქმეთა და ევროპასთან ინტეგრაციის სამინისტრომ რუსეთის ელჩი დაიბარა მას შემდეგ, რაც რუსმა სამხედრო მაღალჩინოსანმა განაცხადა, რომ უკრაინაში მიმდინარე „სპეციალური სამხედრო ოპერაციის“ მეორე ფაზის ფარგლებში რუსეთი სამხრეთ უკრაინაზე სრული კონტროლის დაწესებას და მოლდოვაზე წვდომის მოპოვებას გეგმავს.

მოლდოვის საგარეო საქმეთა სამინისტროში აცხადებენ, რომ შეშფოთებულები არიან რუსეთის თავდაცვის სამინისტროს წარმომადგენლის განცხადებებით.

მათი განმარტებით, რუსი გენერლის განცხადებები „უსაფუძვლოა და ეწინააღმდეგება რუსეთის ფედერაციის პოზიციას, რომელიც მხარს უჭერს მოლდოვის რესპუბლიკის სუვერენიტეტსა და ტერიტორიულ მთლიანობას მის საერთაშორისოდ აღიარებულ საზღვრებში“.

უწყების ინფორმაციით, რუსეთის ელჩთან შეხვედრისას მოლდოვის ოფიციალურმა პირებმა გაიმეორეს, რომ მოლდოვა არის „ნეიტრალური სახელმწიფო და ამ პრინციპს პატივი უნდა სცეს ყველა საერთაშორისო აქტორმა, მათ შორის რუსეთის ფედერაციამ“.

შეგახსენებთ, რუსეთის ცენტრალური სამხედრო ოლქის სარდლის მოადგილემ, გენერალ-მაიორმა რუსტამ მინეკაევმა გუშინ განაცხადა, რომ ე.წ. „სპეციალური სამხედრო ოპერაციის“ მეორე ფაზის ფარგლებში, დონბასსა და სამხრეთ უკრაინაზე სრული კონტროლის დაწესებას გეგმავს. მან ასევე ხაზი გაუსვა, რომ სამხრეთ უკრაინის კონტროლი ასევე უზრუნველყოფს წვდომას დნესტრისპირეთზე - მოლდოვის სეპარატისტულ ნაწილზე, სადაც უკვე განთავსებულია რუსული ჯარები.

ესტონეთის ელჩი - რუსეთს არ სჭირდება წინაპირობა რომ ვინმეს დაესხას თავს, ის გახდა უფრო არაპროგნოზირებადი ვიდრე ოდესმე
გაგიკ ავაკიანი - რუსეთი იმ მდგომარეობაში არაა, რომ სომხეთის საშინაო პოლიტიკაში მისი ჩარევები  წარმატებული იყოს და მას რამე გამოუვიდეს
ქართული პრესის მიმოხილვა 16.05.2022
ზვიად გუბელაძე - გაჟღერებული ბრალდებები, თითქოსდა ნიკა გვარამიას ტელევიზიის  ბალანსზე არსებული ავტომობილით სარგებლობის გამო მიესაჯა თავისუფლების აღკვეთა, არ შეესაბამება სიმართლეს და მიზნად ისახავს საზოგადოების შეცდომაში შეყვანას
ნიკოლოზ ვაშაკიძე - არსებული ხელისუფლება წამოადგენს მთავარ დაბრკოლებას ქვეყანა პოლიტიკურად განახლებული და მომზადებული შეხვდეს კარდინალურ ცვლილებებს რეგიონში და მსოფლიოში
„გალერეა დემასში“ პრემიუმ ხარისხის ევროპული სლებების ასორტიმენტი განახლდა
Urban Hotel-ი მარტის დასაწყისიდან უკრაინელ დევნილებს მასპინძლობს
სიმსუქნის ქირურგიული მკურნალობა - ბარიატრიული ოპერაციები ბოჭორიშვილის კლინიკაში
კომპანია „სმარტ ბუღალტერია“ - უნივერსალური და მაღალკვალიფიციური მომსახურება საბუღალტრო, ფინანსურ და საგადასახადო სფეროში
სამართლებრივი ინტერესების დაცვა ადგილობრივ და საერთაშორისო დონეზე
იშოპინგე „კარფურის“ აპლიკაციაში და მიიღე შანსი მოიგო უამრავი პრიზი
ექსკლუზიური ბრენდები და სასიამოვნო გარემო - ქავთარაძის „სითი მოლის“ პრემიუმ სივრცეში მაღაზია „სენსი“ გაიხსნა