დასავლეთ უკრაინის ქალაქ ლვოვში „კომენდანტის საათი“ გამოცხადდა. ლვოვის რეგიონის გუბერნატორმა მაქსიმ კოზიცკიმ აღნიშნული გადაწყვეტილების მიზეზად ახალი სადაზვერვო ინფორმაცია დაასახელა.

„კომენდანტის საათი“ დღეს 23:00 საათიდან ხვალ დილის 5 საათამდე გაგრძელდება.

”სამწუხაროდ, მტერს არ აქვს ძირითადი რელიგიური დღესასწაულის გაგების უნარი. ისეთი მხეცები არიან, რომ არ ესმით, რა არის აღდგომა“, - აღნიშნა კოზიცკიმ.

ლვოვის რეგიონში ეკლესიები აღდგომის ღამისთევის მსახურებას დილის საათისთვის გადადებენ.