უკრაინის საგარეო საქმეთა მინისტრი დმიტრო კულებ აქალაქ ოდესაზე რუსეთის სარაკეტო თავდასხმას გამოეხმაურა.
კულებას შეფასებით, ის რაც ოკუპანტმა ოდესაში ჩაიდინა, არის ტერორი და ამ ყველაფერს შესაბამისი პასუხი უნდა გაეცეს.
"ოდესაზე რუსული სარაკეტო დარტყმის ერთადერთი მიზანი ტერორია. რუსეთი უნდა გამოცხადდეს ტერორიზმის სახელმწიფო სპონსორად და მას შესაბამისად უნდა მოეპყრან. არავითარი ბიზნესი, არანაირი კონტაქტები, კულტურული პროექტები. ჩვენ გვჭირდება კედელი ცივილიზაციასა და ბარბაროსებს შორის, რომლებიც რაკეტებით მშვიდობიან ქალაქებს ესხმიან თავს“- განაცხადა უკრაინის პირველმა დიპლომატმა.
შეგახსენებთ, რომ ქალაქ ოდესაში რუსული საჰაერო იერიშის შედეგად, 5 ადამიანი დაიღუპა და 18 დაშავდა.
