უკრაინის პრეზიდენტი ვოლოდიმირ ზელენსკი აცხადებს, რომ რუსეთთან ომში გამარჯვების შემდეგ უკრაინა გახდება ევროპის ერთ-ერთი უძლიერესი სახელმწიფო, რომელსაც ყველაზე ძლიერი და გამოცდილი ჯარი ეყოლება, - ამის შესახებ მან კიევის მეტროში გამართულ პრესკონფერენციაზე განაცხადა. აღნიშნულ ინფორმაციას Ukrinform-ი ავრცელებს.

„მჯერა, რომ როდესაც გავიმარჯვებთ, ვიქნებით სახელმწიფო, რომელსაც უძლიერესი ჯარი და თავდაცვის სფეროში ყველაზე გამოცდილი ხალხი ეყოლება. უსაფრთხოების გარანტიების თვალსაზრისით, მჯერა, რომ გავხდებით ევროპის ერთ-ერთი უძლიერესი სახელმწიფო“, - განაცხადა ზელენსკიმ.

უკრაინის პრეზიდენტმა ასევე აღნიშნა, რომ ახლა უკრაინელი ხალხი გაერთიანდა და მას ესმის, რომ მომავალში საკუთარი ქვეყნის დაცვა მოუწევს, თუმცა, ზელენსკის თქმით, „ეს არ ნიშნავს იმას, რომ უკრაინელ ხალხს კვლავ ბრძოლა მოუწევს“.