ვოლოდიმერ ზელენსკი საქართველოს ხელისუფლებაზე - მოვისმინე გზავნილები, რომ მათ ქვეყნის ეკონომიკა უნდა დაიცვან, რომელი ეკონომიკა? საქართველოს ტერიტორიის ნაწილი უკვე წაართვეს, რუსებმა თითქმის თბილისამდე მიაღწიეს

„მოვისმინე გზავნილები, რომ მათ ქვეყნის ეკონომიკა უნდა დაიცვან. რომელი ეკონომიკა? საქართველოს ტერიტორიის ნაწილი უკვე წაართვეს. მათ [რუსებმა] თითქმის თბილისამდე მიაღწიეს. მგონია, რომ ეს ამად არ ღირს“, - ამის შესახებ უკრაინის პრეზიდენტმა, ვოლოდიმირ ზელენსკიმ კიევის მეტროში გამართულ პრესკონფერენციაზე განაცხადა, რითაც ქართველი ჟურნალისტის დასმულ კითხვას გამოეხმაურა.

ზელენსკი ამ განცხადებით საქართველოს ხელისუფლების მიერ რუსეთის წინააღმდეგ სანქციების არ დაწესების საკითხს შეეხო.

„საქართველოს ხელისუფლების პოზიციის არ მესმის და ამ საკითხს ასე მტკივნეულად ამიტომაც აღვიქვამ. მჯერა, რომ უკრაინასთან და უკრაინელ ხალხთან ერთ-ერთი უახლოესი სწორედ ქართველი ხალხია. უკრაინის პირველი რევოლუციის შემდეგ ჩვენ მათგან დიდი მხარდაჭერა ვნახეთ. თქვენი ხელისუფლების ლიდერთა ახლანდელი პოზიციის ნამდვილად არ მესმის“, - განაცხადა ზელენსკიმ.

მან ასევე განაცხადა, რომ მანძილის მიუხედავად, საქართველოს უკრაინასთან ბევრად უფრო ახლოს აღიქვამს, ვიდრე რუსეთს.

აღნიშნულ ინფორმაციას Ukrinform-ი ავრცელებს.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
გიორგი ცუცქირიძე - ლარის კურსის ვარდნა ეკონომიკაში ფუნდამენტურ ცვლილებებს არ უკავშირდება და აჟიოტაჟის შედეგი იყო
ქართული პრესის მიმოხილვა 13.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი