„ლელოს“ ახალგაზრდულმა გუნდმა თბილისის ქუჩების დასუფთავების კამპანია დაიწყო

"ლელოს“ ახალგაზრდულმა გუნდმა, პარტიის წევრებთან ვატო სურგულაძესთან და ანა ბიბილაშვილთან ერთად თბილისის ქუჩების დასუფთავების კამპანია დაიწყო. როგორც „ლელოს“ ახალგაზრდული ორგანიზაციის ხელმძღვანელმა, ოთო ფარულავამ აღნიშნა, იქმნება ბაზა, რათა საზოგადოება აქტიურად ჩაერთოს ქალაქის მოწესრიგებაში.

„ სპეციალური ეკიპირებით და ხსნარით ჩამოვწმინდეთ კედლებზე გაკეთებული ნახატები, რომელზეც ბოლო დღეებია მთელი ქალაქი საუბრობს. ზოგისთვის ეს შეთქმულების თეორიების ინსპირაციად იქცა, ზოგისთვის კი ქუჩის დაბინძურების დაშვებად. გამომდინარე იქიდან, რომ გავრცელდა ინფორმაცია, რომ ეს ნახატები ეკუთვნის უბრალოდ მხატვარს და არანირი დატვირთვა არ აქვს, გადავწყვიტეთ საკმაოდ დასტრესილ ადამიანებზე ვიზრუნოთ და მოვაშოროთ ჩვენს ქალაქს მსგავსი ნახატები, რადგან თვალში არ მოხვდეთ და სიმშვიდე შეინარჩუნონ. სამწუხაროდ, ხელისუფლების და სახელმწიფო ინსტიტუციების მიმართ საზოგადოების ნდობა სრულად ამოწურულია. შესაბამისად, გთხოვთ დაგვეხმაროთ და გამოგვიგზავნოთ ლოკაციები. ერთი მხრივ, შევძლებთ ღია რუკა მოვამზადოთ, მეორე მხრივ კი იქნება ბაზა იმისთვის, რომ საზოგადოება აქტიურად ჩავერთოთ ქალაქის მოწესრიგებაში“,- აღნიშნა ოთო ფარულავამ.

ინფორმაციას „ლელოს“ პრესსამსახური ავრცელებს.

თენგიზ ცერცვაძე - როცა გადადგომაზე განცხადება დავწერე, არ მჯეროდა, მეგონა სიზმარში ვიყავი, რომ მილიარდის გაფლანგვას და ადამიანების ჩახოცვას გვაბრალებდნენ
ქართული პრესის მიმოხილვა 12.05.2022
ლევან ცუცქირიძე - საქართველოში აუცილებელია პოლარიზაციის დასრულება, რომლის მნიშვნელოვანი ნაწილია მიხეილ სააკაშვილთან დაკავშირებულ რთულ საკითხზე შეთანხმება
ლიზინგი, როგორც ფინანსური ბაზრის შემადგენელი ნაწილი და მისი განვითარების პერსპექტივები საქართველოში
კავკასიაში პირველი ციფრული ლოგისტიკის მენეჯმენტის ერთობლივი სამაგისტრო პროგრამა - კავკასიის უნივერსიტეტისა და TH Wildau-ის პარტნიორობის პერსპექტივები
"ლიბერთიმ" -,,გაზარდე შენი ბიზნესი“ კამპანიის ფარგლებში აგრო და ბიზნესის წარმომადგენლებთან შეხვედრები დაიწყო