უკრაინის პრეზიდენტი, ვოლოდიმირ ზელენსკი თვლის, რომ სანამ ომი არ დასრულდება, უკრაინამ რუსეთთან მოლაპარაკების ყველა შესაძლებლობა უნდა გამოიყენოს. ამის შესახებ მან კიევის მეტროში გამართულ პრესკონფერენციაზე განაცხადა, რითაც გამოეხმაურა კითხვას იმის შესახებ, გაგრძელდება თუ არა მოლაპარაკებების პროცესი რუსულ მხარესთან.
"ეს კითხვა არის სხვა ვლადიმერისთვის [პუტინისთვის]. თურქეთში ჩვენი მომლაპარაკებელი ჯგუფების შეხვედრა სწორედ ამ მეორე ვლადიმერის სურვილზე არის დამოკიდებული. მე მჯერა, რომ მათ უნდა ვესაუბროთ მანამ, სანამ ომი არ დასრულდება. ჩვენ უნდა ჩავეჭიდოთ ყოველ შესაძლო მომენტს და ყოველ შესაძლებლობას, რათა თავიდან ავიცილოთ ბავშვთა სიკვდილი, რაც დღეს ოდესაში მოხდა“, - აღნიშნა პრეზიდენტმა.