ხერსონის ოლქიდან დნეპროპეტროვსკის ოლქის ქალაქ კრივოი როგში დღეს 610 ადამიანის ევაკუაცია განხორციელდა, - ამის შესახებ ქალაქ ზელენოდოლსკის ადმინისტრაციის თავმჯდომარემ, დიმიტრი ნევესელიმ Telegram-ში განაცხადა.
მან კრივოი როგის ადმინისტრაციას, სამხედრო საოლქო ხელმძღვანელობას, ადგილობრივ პოლიციას, უკრაინის ეროვნულ გვარდიას და მოხალისეებს მადლობა გადაუხადა. ნევესელის თქმით, ისინი „ცხელი კერძებითა და ჩაით წვიმაში ათბობდნენ ხალხს“. ნევესელიმ ასევე აღნიშნა, მის ადმინისტრაციულ ერთეულში ოკუპანტი არ იმყოფება, თუმცა დაბომბვის საფრთხე კვლავ არსებობს.