ბულგარეთი უარყოფს ინფორმაციას მელიტოპოლში საპატიო კონსულის, სერგეი ჟელევის გატაცების შესახებ. ბულგარეთის საგარეო საქმეთა სამინისტრომ აღნიშნა, რომ დიპლომატი უსაფრთხოდ არის. ინფორმაციას ადგილობრივი გამოცემა BGNES ავრცელებს.

საგარეო საქმეთა სამინისტროს განცხადებაში ნათქვამია, რომ დიპლომატის გატაცების შესახებ ინფორმაცია არასანდოა. განყოფილებაში აცხადებენ, რომ ჟელევი საკუთარ სახლში სრულიად უსაფრთხოდ იმყოფება.

23 აპრილს მელიტოპოლის მერმა, ივან ფედოროვმა განაცხადა, რომ ქალაქში ბულგარეთის საპატიო კონსული გაიტაცეს. მელიტოპოლში არსებულ ვითარებასთან დაკავშირებით, ფედოროვმა აღნიშნა, რომ უკვე მეოთხე დღეა, რაც ოკუპანტები ადგილობრივ მცხოვრებლებს ქალაქის დატოვების საშუალებას არ აძლევენ. ფედოროვის თქმით, მოქალაქეებს ზაპოროჟიეში გადასვლა სურთ.